Навоий вилоятида жойлашган конда ишчи хизмат машинаси ёниши оқибатида вафот этди. Бу ҳақда вилоят Прокуратураси ахборот хизмати хабар берди.
Ижтимоий тармоқларда Навоий Кон Металлургия комбинатига қарашли «АУМИНЗО-АМАНТАЙ» конида «БEЛАЗ 7513» автосомасвали ёниб, ҳайдовчи куйиш жароҳати олиб вафот этгани ҳақида хабарлар тарқалди. Аниқланишича, воқеа 2022 йилнинг 28 cентябрь куни тахминан соат 17:00 ларда содир бўлган.
Навоий кон-металлургия комбитати акциядорлик жамияти тасарруфида бўлган Марказий кон бошқармасига қарашли, Автомобиль транспорти бошқармасида ҳайдовчи бўлиб ишловчи 1991 йилда туғилган Й.Ш МКБнинг «Ауминзо-Амантой» кони ҳудудида ўзиги бириктирилган гараж рақами №631 бўлган «Белаз» русумли автосомасвалда тоғ жинсларини ташиш вақтида, автосамосвалнинг олд чап ғилдирак шинаси ёрилиши натижасида ёнғин келиб чиққан.
Оқибатда ёнғин автосомасвал кабинасига ҳам ўтиб, ҳайдовчи Й.Ш куйиш тан-жароҳати олган ва унга Зарафшон шаҳрида жойлашган Тиббий санитария қисмида тиббий ёрдам кўрсатилган. Сўнгра у Бухоро шаҳрида жойлашган Республика шошилинч тиббий ёрдам илмий марказига олиб келинган. Бироқ, кўрсатилган тиббий ёрдамга қарамасдан, Й.Ш 30 cентябрь куни шифохонада вафот этган.
Ҳозирда мазкур ҳолат юзасидан ИИВ ҳузуридаги 2-сон ИИБ тергов бўлинмаси томонидан терговга қадар текширув ҳаракатлари олиб борилаётган бўлиб, судга оид тиббий ва комиссион экспертизалар тайинланган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
