iPhone 14 Plus нинг расмий дебютидан икки ҳафтадан камроқ вақт ўтди. Бироқ, бу борада маълумотга эга бўлганларнинг таъкидлашича, Apple ўз пудратчиларига тегишли талаб йўқлиги сабабли ушбу ўрта синф смартфони учун бутловчи қисмлар ишлаб чиқаришни қисқартиришни буюрган.
Дарҳақиқат, компаниянинг пудратчиларидан бири ҳатто тегишли бутловчи қисмларни ишлаб чиқаришни бутунлай тўхтатишга мажбур бўлди.
Таҳлилчилар аввалроқ iPhone 14 нинг бошланғич даражадаги моделлари учун бозорда талаб камлигини башорат қилишган, шунинг учун учинчи чоракда смартфонларга талабнинг умумий пасайиши фонида Appleнинг бундай ҳаракатлари ажабланарли эмас.
Canalys мутахассислари учинчи чоракда смартфонлар савдоси ўтган йилнинг шу даврига нисбатан 9 фоизга камайганини қайд этди. Талаб, уларнинг фикрича, кейинги олти ёки тўққиз ой ичида тикланмайди.
Баъзи маълумотларга кўра, сентябр ойи охирида Apple йилнинг иккинчи ярмида iPhone 14 серияли смартфонлар ишлаб чиқаришни дастлабки даражага нисбатан ошириш режаларидан воз кечиши керак эди. 96 миллион дона ўрнига ишлаб чиқариш дастурига ўша пайтда хабар қилинганидек, 90 миллион смартфон ишлаб чиқариш киритилган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
