Олимлар ўрта ва кекса одамлар кунига беш соатдан кам ухласа, сурункали касалликларга чалиниш эҳтимоли деярли 20 фоизга ошишини аниқлади, деб ёзади «ТАСС» нашри Британия университети коллежи (UCL) матбуот хизматига таяниб.
UCL тадқиқотчиси Сабиа Северин ва унинг ҳамкасблари доимий уйқусизлик билан боғлиқ танани тиклаш жараёнидаги муваффақияцизликлар турли сурункали касалликларнинг ривожланиш эҳтимолини сезиларли даражада ошириши ҳақидаги далилларни аниқладилар. Олимлар 50 ёшдан 70 ёшгача бўлган етти мингга яқин кексаларнинг саломатлик ҳолатини ўрганиб, шундай хулосага келишди.
Шифокорлар кўнгиллилар ўртасида сўровлар ўтказдилар, шунингдек, сўнгги 25 йил ичида сурункали касалликларнинг ривожланиши учун уларнинг тиббий ёзувларини ўрганишди. Тадқиқотчилар олинган маълумотларни кўнгиллиларнинг қанча вақт ухлашлари билан солиштиришди. Бу мутахассисларга уйқунинг ўрта ва кекса одамларнинг соғлиғига таъсирини баҳолашга ёрдам берди.
Маълум бўлишича, уйқу режими сурункали касалликларнинг ривожланиш эҳтимолига сезиларли таъсир кўрсатди. Дастлаб сурункали касалликларга дучор бўлмаган, лекин айни пайтда кечаси беш соат ёки ундан кам ухлаган одамларда бундай касалликларни ривожланиш эҳтимоли ўртача 20% га ошди. Олдиндан бузилган кўнгиллилар учун бундай касалликларнинг эҳтимоли 30-40% га ошди.
Илгари тадқиқотчилар иқлим ўзгариши одамларнинг уйқусини бузиши мумкинлигини айтишган эди. Уларнинг сўзларига кўра, тадқиқот ўртачадан юқори ҳарорат инсон уйқусини бузишини исботлаган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
