Германиянинг n-tv телеканали портали хабар беришича, уч нафар немис олимлари коронавируснинг лабораторияда келиб чиқишига оид далилларни топганини даъво қилмоқда.
Олимларнинг фикрига кўра, улар SARS-CoV-2 геномида ўзига хос «бармоқ изи»ни топишган. Бу вирус геномидаги мунтазам такрорланадиган нақш, деб тушунтирди тадқиқот муаллифларидан бири Валентин Бруттел.
«Бошқа молекуляр далиллар билан биргаликда бизнинг натижаларимиз шуни кўрсатадики, бу вирус 99,9 фоиз инсон томонидан яратилган, эҳтимол табиий вируснинг манипуляция қилинган нусхаси», деди у.
Бруттел ва унинг ҳамкасблари сунъий равишда яратилган ва табиий вирусларнинг геномларини солиштирдилар. Олим тушунтирганидек, табиий таниб олиш жойларида тасодифий тақсимланади ва сунъий равишда яратилган жойларда улар доимо маълум бир нақшда пайдо бўлади.
Улар шу йўл билан вируснинг лабораторияда келиб чиқишига далил топдилар. Топилмалар ҳали кўриб чиқиш жараёнидан ўтмаган бўлсада, маълумот сифатида эълон қилишди ва ўз мақолаларида SARS-CoV-2 атайлаб генетик ўзгартирилган вирус эканлигини таъкидлашмоқда.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
