Исроил хавфсизлик кучларининг Иордан дарёсининг ғарбий соҳилидаги Наблус шаҳрида ўтказган операцияси чоғида Фаластиннинг «Арслон уяси» номли террорчилик гуруҳи етакчиларидан бири Вади Ал-Хуҳ йўқ қилинди. Бундан ташқари, портловчи моддалар ишлаб чиқарувчи лабораторияга жиддий зарар етказилган. Бу ҳақда Исроил бош вазири Яир Лапид маълум қилди ва унинг мамлакати «исталган вақтда ва исталган жойда терроризмга қарши ҳаракат қилишдан тап тортмаслигини» айтди.
Фаластин томони рейд давомида жами олти киши ҳалок бўлгани ва 20 дан ортиқ киши жароҳатланганини маълум қилди.
Наблусдаги операция якунланганиши биланоқ оммавий норозилик намойишлари бўлиб ўтди.
Ал-Ҳуҳ Фаластиннинг «Ал-Ақса шаҳидлари бригадаси» террорчилик гуруҳи раҳбари Иброҳим Ал-Наблусийнинг вориси ҳисобланган.
Исроил кучлари март ойидан бери Ғарбий Соҳилда яҳудий давлати шаҳарларида 20 кишининг ҳаётига зомин бўлган қатор террактларга жавобан кундалик амалиёт ва рейдлар ўтказмоқда.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
