Чилонзор туманида тадбиркорнинг 506,7 млн. сўмини ўзлаштирган бош ҳисобчи аниқланди. Тузини еб, тузлиғига туфлаш қабилида иш тутган ходимнинг кирдикорлари ҳақида Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти хабар қилди.
Бош прокуратура ҳузуридаги Департаментнинг Чилонзор туман бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилди. Муълум бўлишича, фуқаро В.Э. “B.C.” “Ev.” ва “B.F.” МЧЖларда ўриндошлик асосида бош ҳисобчи лавозимида ишлаб келган. Ҳисобчининг ушбу корхоналар раҳбари ва таъсисчисининг рухсатисиз жами 506,7 млн. сўмини иш ҳақи ва моддий ёрдам сифатида ўзининг пластик картасига ўтказиб олгани ошкор бўлди. Ўзганинг мулкини талон-торож қилган шахснинг айблари ўрганилмоқда.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
