Ўзбекистонда қон айланиш тизими касалликлари туфайли энг кўп ўлим ҳолати қайд этилмоқда. Бу ҳақида Давлат статистика қўмитаси хабар берди.
Маълумотларига кўра, 2022 йилнинг 1 октябрь ҳолатига Ўзбекистонда касалликлар туфайли 130 мингдан ортиқ аҳоли вафот этган. Қайд этилган ўлим ҳолатининг 56,8 % қон айланиш тизими касалликларига тўғри келган.
2022 йилнинг 9 ойида қайд этилган ўлим ҳолатларининг касалликлар бўйича сони:
— қон айланиш тизими касалликлари – 74 109 та
— нафас олиш аъзолари касалликлари – 12 805 та
— ўсимталардан – 10 535 та
— бахтсиз ҳодиса, заҳарланиш ва жароҳатлардан – 7 260 та
— овқат ҳазм қилиш аъзолари касалликлари – 5 264 та
— юқумли ва паразит касалликлари – 1 976 та
— бошқа касалликлардан – 18 417 та.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
