DxOMark лабораторияси вакиллари 149 балл билан глобал рейтингда биринчи ўринни эгаллаган Huawei Mate 50 Pro смартфони камерасини синовдан ўтказиш натижасини эълон қилди. У дунёдаги энг яхши камерали телефон деб баҳоланди.
Иккинчи ва учинчи ўринларни ҳар бири 147 баллдан тўплаган янги Honor Magic4 Ultimate va Google Pixel 7 Pro смартфонлари бўлишди. Ҳар бири 146 балл тўплаган iPhone 14 Pro va iPhone 14 Pro Max тўртинчи ва бешинчи ўринларни эгаллашди.
Натижада DxOMark Huawei Mate 50 Pro камерасининг қуйидаги афзалликларини санаб ўтди: расмлар ва видеолар учун кенг динамик диапазон, расм тафсилотларга бой, шовқин жуда яхши назорат қилинади, ёрқин нурда гуруҳли суратларда катта майдон чуқурлиги, тафсилотлар барча масштаб диапазонларида сақланади, чиройли боке эффекти, расмлар ва видеолардаги автофокус тез ва аниқ, ёрқин нурда чиройли ранглар, ҳаракатдан кейинги тасвир видео режимида яхши бошқарилади.
Аммо у айрим камчиликлардан ҳам холи эмас. Хусусан, баъзан оқ ранг баланснинг озгина бузилишини кўришингиз мумкин. Олдиндан кўриш ва якуний тасвир ўртасидаги фарқлар кўпинча мураккаб саҳналарда сезилади. Мураккаб саҳналарни суратга олишда баъзан суратга олиш бироз сустроқ бўлади. Aниқликдаги фарқ кўпинча видео рамкалар орасида кўринади.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
