Ноябрь ойидан бошлаб Ўзбекистон рақамли телевидение операторлари ўз пакетларига турли тиллардаги қатор хорижий телеканалларни киритди. Бунгача ҳамюртларимиз маҳаллий каналлардан ташқари, асосан, Россия телеканалларини томоша қилишлари мумкин эди.
UzDigital TV Тошкент, Тошкент ва Сирдарё вилоятларида бешта телеканал – BBC World News (Буюк Британия), CNN International, Bloomberg (АҚШ, CGTN (Хитой) ва TRT Avaz (Туркия) каналлари қўшилганини маълум қилди.
Рақамли телевидение компанияларининг веб-сайтларида Fox News, CNBC, SkyNews, France 24, Беларус 24 ва бошқа халқаро телеканалларни ҳам кўриш имконияти юзага келади.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
