Кеча, 8 ноябрь куни Навоий вилоятининг Хатирчи туманида жойлашган савдо комплексида ёнғин юзага келган. Бу ҳақда Фавқулодда вазиятлар вазирлиги хабар тарқатди.
Маълум қилинишича, тунги соат 23:12 да туманнинг «Навбаҳор» МФЙ, А. Яссавий кўчасида жойлашган савдо дўконларида ёнғин содир бўлаётганлиги тўғрисида туман ФВБга хабар келиб тушган.
Шунга кўра 2 та ёнғин-қутқарув экипажи 23:14 да воқеа жойига етиб борган ва ёнғин соат 23:38 да бартараф этилган.
Дастлабки маълумотларга кўра, ёнғин натижасида кийим-кечак, маиший техника, чинни-чиновор ва бошқа дўконларнинг 120 кв.м майдонда дўкон жиҳозлари, маҳсулотлари, шифт ва том қисми ёниб зарарланган. Қутқарувчиларнинг тезкор ҳаракатлари натижасида ёнғиндан иморатларининг 1500 кв.м. майдони сақлаб қолинган.
«Ҳодиса оқибатида тан жароҳати олган ва ҳалок бўлганлар йўқ», дейилади хабарда.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!