Бокс бўйича Осиё чемпионатида Лазизбек Мулложонов финалда иштирок этиш имкониятини қўлга киритди.
Иорданияда бокс бўйича катталар ўртасида ўтказилаётган Осиё чемпионати ўз ниҳоясига етиб бормоқда.
Мусобақада +92 кг вазн тоифасида юртимиз шарафини ҳимоя қилаётган фарғоналик Лазизбек Мулложонов ярим финалда ҳиндистонлик Нарендерни 5:0 ҳисобида мағлуб этди ва финалга йўл олди.
Ҳамюртимиз 12 ноябрь куни финалда Токио Олимпиадаси бронза медали соҳиби, қозоғистонлик Камшибек Конкабаевга қарши рингга кўтарилади.
Риштонлик чарм қўлқоп устаси Асадхўжа Мўйдинхўжаев (-67 кг) эса ярим финалда қозоғистонлик Дулат Бекбауовга қарши рингга чиқиб, 2:3 ҳисобида имкониятни бой бериб қўйди. Шундай қилиб Асадхўжа Осиё чемпионатининг бронза медали соҳибига айланди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
