Италия сувларида тўсиб қўйилган Ocean Viking Франция ҳукуматидан Тулон портига киришга рухсат олди. SOS Mediterranee хайрия ташкилотига тегишли бўлган кема бортида 234 йўловчи мавжуд.
Аввалроқ Еврокомиссия Ўрта ер денгизида қирғоқларида турган кема бортидаги барча муҳожирларни зудлик билан энг яқин хавфсиз портга туширишни талаб қилган эди. Баёнотда қайд этилишича, бортдаги вазият кескинлашиб бормоқда ва гуманитар инқирознинг олдини олиш учун муаммони зудлик билан ҳал қилиш керак.
Париж Римни номақбул хатти-ҳаракатларда айблади ва халқаро ҳуқуқ тамойилларига риоя қилишга чақирди. Италия ҳукумати, ўз навбатида, муҳожирларни қабул қилиш бўйича Европа қоидаларини қайта кўриб чиқиш керак деган талабни қўйди.
Сўнгги кунларда нодавлат ташкилотлар Ўрта ер денгизида мингга яқин одамни қутқариб қолишди.
Эслатиб ўтамиз, бир кун аввал яна иккита кемада келган муҳожирлар Катания ва Калабрияда тўхтаган эди. Аммо Италия ҳукумати биринчи навбатда, фақат аёллар, болалар ва беморларга қирғоққа чиқишга рухсат берди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
