Кеча, 13 февраль куни соат 15:14да Ангрен иссиқлик электр станцияси (ИЭС)нинг энергоблокида носозлик юзага келган. Бу ҳақда Энергетика вазирлиги Матбуот хизмати хабар тарқатди.
Маълум қилинишича, ИЭСнинг 10-сонли энергоблок қозонидаги қувурлар ёрилиши натижасида мазкур энергоблок режадан ташқари тўхтатилган. Носозликни бартараф этиш ишларини жадаллаштириш мақсадида Энергетика вазири бошчилигида вазирлик раҳбарияти зудлик билан мазкур станцияга етиб борган.
«Носозликни бартараф этиш бўйича махсус бригада ташкил этилди ва ишларни жадаллаштириш бўйича тегишли топшириқлар берилди. Таъмирлаш ишлари қисқа вақт ичида якунлананди.
Ҳозирда Ангрен шаҳрига электр энергияси барқарор етказиб берилмоқда, шунингдек, қисқа вақт ичида иссиқлик энергияси етказиб берилиши йўлга қўйилади», дейилади вазирлик баёнотида.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
