Миллиардер Илон Маск Балида ўтказилган G20 саммити доирасидаги бизнес конференциясида «мутлақ максимал даражада» эрталабдан кечгача, ҳафтанинг етти куни ишлаётганини айтди. Эслатиб ўтамиз, у яқинда Tesla (TSLA) автомобиль корпорациясини бошқарувидан ташқари Twitter ни ҳам сотиб олган эди.
«Менинг зиммамда жуда кўп иш бор, бу аниқ», деди Маск бизнес конференциясидаги онлайн иштирокида.
Иккала компаниянинг ижрочи директори бўлган Маск, ташкилотчилар томонидан юборилган кийимларни кийган ҳолда шам ёруғида пайдо бўлди ва у электр узилиб қолган жойдан гапираётганини айтди.
Tesla (TSLA) Маск Twitter билан машғул бўлганлиги сабабли зарар кўрадими ёки йўқми, деган савол инвесторлар ва таҳлилчиларнинг диққат марказига айланди.
Индонезия Tesla билан қайта зарядланувчи батареяларга сармоя киритиш ва эҳтимол Илон Маскнинг SpaceX аэрокосмик компанияси билан ракеталарни учириш майдончасини ишлаб чиқиш бўйича битим тузишга ҳаракат қилмоқда.
Маск ҳеч қандай мажбуриятни ўз зиммасига олмади, аммо Индонезия электромобилларни етказиб бериш занжирида катта роль ўйнашини ва SpaceX учун «узоқ муддатда» бутун дунё бўйлаб бир нечта учириш пунктларига эга бўлиш мантиқий бўлишини айтди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
