Россия Херсондаги асосий электр станциясини вайрон қилди. У Херсон вилоятининг бутун ўнг қирғоғи ва Николай вилоятининг муҳим қисмини электр энергияси билан таъминлар эди. Юу ҳақида «Укренэрго» раҳбари Владимир Кудритский хабар қилди.
Эслатиб ўтамиз, аввалроқ Президент Владимир Зеленский Россия армияси ундан чекинганидан уч кун ўтиб, кутилмаганда шаҳарга ташриф буюрди. У шаҳар маъмурияти биноси олдидаги давлат байроғини кўтариш маросимида бевосита иштирок этди ҳамда украиналик ҳарбий хизматчиларга мукофот топширди.
Зеленский, вайрон бўлган уйларни ҳамда бошқа ижтимоий объектларни кўриш осон бўлмаганини таъкидлади. Россия Федерациясининг Украинаги ишларини баҳолаб, у бутун дунёга ўлдириши мумкинлигини кўрсатганини қайд этди. Президентга кўра, мамлакат Қуролли кучлари, Миллий гвардияси, махсус хизматлар, умуман, ҳамма Украинани йўқ қилиб бўлмаслигини кўрсатиб берган.
Москвада Зеленскийнинг Херсонга сафари ҳақидаги хабарлар изоҳсиз қолдирилди. Россия Федерацияси Президентининг матбуот котиби Дмитрий Песков «Херсон Россия ҳудуди» эканлигини эслатди.
НАТО Бош котиби Гаагада Нидерландия ҳукумати билан музокаралар якунлари бўйича ўтказилган матбуот анжуманида Россия қўшинларининг Херсондан олиб чиқилиши Украина қуролли кучларининг ақл бовар қилмайдиган жасоратини кўрсатганини айтиб ўтди. Ўз навбатида, Бош котиб Россияни камситмаслик кераклигини ҳам ошкора тан олди.
«Келгуси ойлар қийин бўлади. Путиннинг мақсади бу қишда Украинани иссиқлик ва ёруғлик манбаисиз қолдириш. Шунинг учун биз ҳозирги позицияда қолишимиз керак», дея таъкидлади Йенс Столтенберг.
Шунингдек, Столтенберг Россия Қуролли кучлари муҳим имкониятларни сақлаб қолгани ва Россия аввалроқ жиддий йўқотишларга тайёрлигини кўрсатганини қўшимча қилди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
