Швеция парламенти чоршанба куни конституцияга терроризмга қарши қонунчиликни кучайтирувчи ўзгартиришларни маъқуллади. Янги қоидалар «террорчилик фаолияти билан боғлиқ гуруҳларнинг йиғилиш эркинлигини чеклаш» имконини беради.
Швециянинг асосий қонунига киритилган бу ўзгаришлар Скандинавия қироллигининг НАТОга киришига ҳалигача тўсқинлик қилаётган Туркия манфаати учун амалга оширилди. Энди Швеция учун Анқара террорчи деб ҳисоблаган курд ташкилотлари – биринчи навбатда ПКК билан алоқадор шахсларга нисбатан иш қўзғатиш осонроқ бўлади.
Ўтган ҳафта Швеция Бош вазири Ульф Кристерссон Туркияга ташрифи чоғида унинг вазирлар маҳкамаси терроризмга қарши курашни кучайтириш ниятида эканини таъкидлаган эди.
Швеция узоқ вақтдан буён нафақат Анқара, балки Вашингтон ва Брюссель ҳам террорчи деб атаган ташкилотлар аъзоларига ҳам бошпана бериб келган. Россиянинг Украинага бостириб киришидан кейин вазият ўзгарди. Швеция НАТОга аъзо бўлиш учун ариза топширди. Бироқ Туркия унинг номзодини блоклади.
Чоршанба куни тасдиқланган ўзгаришлар кейинги йилнинг 1 январидан кучга кириши крежалаштирилган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
