Ер майдонлари савдоси билан боғлиқ 2 та фирибгарлик ҳолатларининг олди олинди. Бу ҳақда Бош прокуратура ҳузуридаги Департамент хабар бермоқда.
Департаментнинг Бухоро вилоят бошқармаси томонидан ИИБ ходимлари ҳамкорликда ўтказилган тезкор тадбирда, фуқаро Ҳ.Т. фуқаро Ш.Н.нинг ишончига кириб, 30 000 АҚШ доллари эвазига танишлари ёрдамида Жондор тумани, “Навгади” МФЙ ҳудудидаги “Ф.Ф.” деҳқон хўжалигига қарашли 28 сотих ер майдонини уй-жой қуриш учун унинг номига расмийлаштириб бериш эвазига олдиндан 20 000 АҚШ долларини олган вақтида ашёвий далилар билан ушланган.
Шу каби, Департамент ҳамда ДХХнинг Андижон вилояти бошқармалари томонидан ўтказилган тезкор тадбирда, фуқаро У.Қ. фуқаро О.Ў.нинг ишончига кириб, унга Қўрғонтепа тумани, “Савай” массивидаги “Р.М.” МЧЖга ишлаб чиқариш цехини қуриш учун ажратилган 0,55 гектар ер майдонини алдов йўли билан 20 900 АҚШ долларига сотган вақтида ашёвий далиллар билан ушланган.
«Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда», дейилади хабарда.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
