Франция президенти Эммануэл Макрон дунёдаги тартибни шакллантиришда барчани бирдамликка чорлади. Бу ҳақида Макрон Тайландда бўлиб ўтган Осиё-Тинч океани иқтисодий ҳамкорлиги (АТЭC) етакчилари саммитида айтиб ўтган.
«Ахир, кўпчилик дунёда фақат иккита буюк давлатни, иккита қутбни кўришни истайди. Афсуски, бу АҚШ ва Хитой учун ҳам жиддий хатодир. Бизга ягона дунё тартиби керак», деди Макрон.
Франция президентининг сўзларига кўра, у АТЭCга таклиф қилинган биринчи Европа етакчиси бўлган. Таъкидланишича, Франция Ҳиндистон-Тинч океани минтақасида 1 миллиондан ортиқ француз фуқаролари яшайдиган муҳожирлар ҳудудларига эга.
Франция раҳбари, шунингдек, Украина ва Россия ўртасидаги урушнинг оқибатларига эътибор қаратди. Бу уруш фонида энергия ва озиқ-овқат инқирози юзага келганини қайд этди.
Макрон АТЭC давлатларини «урушни тўхтатиш, дунё тартибига ҳурмат кўрсатиш ва музокара майдонига қайтиш» талаби билан Россияга мурожаат қилишга чорлади.
Франция президенти Украина донининг Европа Иттифоқи (ЕИ) «бирдамлик йўлаклари» ва Қора денгиз дон йўлаги туфайли экспорт қилинганини ҳам эслатиб ўтди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
