Европа портларида тўсиб қўйилган Россия ўғитлари бўлган биринчи кема 21 ноябрь куни Нидерландиядан Африкага жўнаб кетади. Анадолуга кўра, бу ҳақида жума куни Женевада бўлиб ўтган брифингда Бирлашган Миллатлар Ташкилотининг Савдо ва тараққиёт бўйича конференцияси (ЮНКТАД) бош котиби Ребека Гринспен маълум қилди.
Унинг таъкидлашича, ўғитлар Малави учун мўлжалланган. Шунингдек, котиб биринчи кема Голландия портидан Малави йўналишида йўлга чиқишини ҳам таъкидлади. Ҳозирда уни юклаш ишлари давом этмоқда. Кема портдан жўнаб кетиш санаси белгиланди ва бу 21 ноябрь санасида амалга оширилади.
Гринспен Европа портларида тўсиб қўйилган рус ўғитларининг биринчи партияси Малавига юборилганидан кейин Ғарбий Африкага етказилишига ҳам умид билдирди.
«Ғарбий Африка ўғит инқирозидан жуда қаттиқ зарар кўрди, шунинг учун у кейинги манзил бўлади, деган умиддаман», деб хулоса қилди Гринспен.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
