Мексикадаги Попокатепетль вулқонида қайд этилган 4 та отилиш сўнгги 10 кун ичида 25 чиси бўлди. Фуқароларга ҳар лаҳза портлаши мумкин бўлган вулқон натижасида атроф-муҳитга тушиши мумкин бўлган тош ва шағаллардан узоқроқ туриш тавсия қилинди.
Мексиканинг табиий офатларнинг олдини олиш миллий маркази (CENAPRED) томонидан эълон қилинган кундалик ҳисоботга кўра, Попокатепетль вулқонида охирги 24 соат ичида 4 марта портлашдан ташқари 69 марта газ ва тутун чиқиши содир бўлган.
Мексика Миллий Фуқаролик Мудофаа Координацияси томонидан берилган баёнотда, вулқондан чиқаётган тутун устунининг тунги соат 01:16 да вулқон отилишидан кейин 1,5 километр баландликка чиққани маълум қилинди.
Расмийлар, шунингдек, яқин атрофда яшовчи одамларга вулқондан чанг ва кулнинг ҳавога тарқалиши оқибатида юзага келадиган ёмғир сабаб кул ва сел оқимларига қарши эҳтиёт чораларини кўришни тавсия қилди.
Ацтек тилида «тутун чиқарадиган тоғ» деган маънони англатувчи Попокатепетль, Нахуатль, 5 минг 452 метр баландликка эга Шимолий Америкадаги иккинчи энг катта вулқондир.
Кратерининг диаметри 900 метр ва чуқурлиги 150 метр бўлган Попокатепетль ўзининг эгизак Истакcиуатль вулқонидан 16 километр шимолда жойлашган.
Охирги йилда фаоллиги ошган Попокатепетль вулқони, Манчестер университети олимларининг маълумотларига кўра, яқин бир неча йил ичида кучли отилиши кутилаётган вулқонлар орасида бешинчи ўринда турибди.
2022 йилда қайд этилган умумий отилишлар сони 61 тага етди.
2021 йил давомида 8 март вулқон отилиши қайд этилган эди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
