Сахалиндаги Тимовское қишлоғидаги беш қаватли турар-жой биносида юз берган портлаш қурбонларининг сони 9 кишига етди. Бу ҳақида Россия ОАВлари фавқулодда хизматларга таяниб хабар бермоқда.
Вилоят губернатори Валерий Лимаренконинг сўзларига кўра, ҳалок бўлганларнинг тўрт нафари болалардир. Яна тўққиз киши жароҳатланган. Фавқулодда хизматлар вайроналар остида ҳали ҳам бир неча киши қолаётгани ҳақида маълумот берди.
Дастлабки маълумотларга кўра, фавқулодда ҳолат юз беришига газ баллони сабаб бўлиши мумкин.
Шанба куни Тимовское қишлоғидаги беш қаватли турар-жой биносида газдан портлаш содир бўлди. Бешинчи қаватдан биринчи қаватгача бўлган кириш эшикларидан бири қулаб тушган. Қутқарувчилар вайроналарни тозалашда давом этмоқда. Ҳодиса оқибатларини бартараф этиш учун 80 га яқин ишчи ва 20 га яқин техника жалб қилинган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
