Кўп сонли ҳарбий кемалар, жумладан, NATO давлатларига тегишли 5 та авиаташувчи кема Атлантика минтақаси ва Ўрта ер денгизида машғулотлар ўтказмоқда.
NATO баёнотига кўра, ноябрь ойи охиригача давом этадиган машғулотларда АҚШ, Британия, Италия ва Франциянинг самолёт ташувчи кемалари, кўп сонли ҳарбий кемалар ва жанговар самолётлар қатнашади.
Қўшма Штатлар дунёдаги энг янги ва энг катта ҳарбий кема ҳисобланган USS Gerald R. Ford самолёт ташувчи кораблни NATО машғулотларига жўнатди. Машқларнинг бошқа самолёт ташувчилари орасидан USS George H.W. Bush, Британиянинг HMS Queen Elizabeth, француз Charles De Gaulle ва Италиянинг Cavour’и ўрин олган.
USS Gerald R. Ford Британия ороллари яқинида жойлашган.
Самолёт ташувчилар Канада, Дания, Германия, Голландия, Франция, Греция, Италия ва АҚШ ҳарбий-денгиз кучларининг кўплаб кемаларини кузатиб боради.
Британиянинг HMS Queen Elizabeth авиаташувчи кемаси бортида Ф-35 самолётлари билан Шимолий Атлантика океани томон йўл олди.
Франция, Италия ва АҚШ ҳарбий-денгиз кучларининг самолёт ташувчи кемалари (USS George H.W. Bush) Ўрта эр денгизида жойлашган.
17 ноябрь куни Россия ҳарбий-ҳаво кучларининг иккита самолёти Болтиқ денгизида NATO кемаларидан 75 метр хавфли масофага учиб ўтгани айтилмоқда.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!