Ўзбекистон 10 ойда 45,6 минг тонна хурмо экспорт қилган. Бу рақамларни Давлат статистика қўмитаси тақдим этди. Бу йил хурмо сотиш бўйича рекорд янгиланиб, 2021 йилнинг мос даври билан солиштирган экспорт ҳажми 7,5 минг тоннага ошган.
2022 йилнинг январь-октябрь ойларида Ўзбекистон сотган хурмонинг қиймати 27,3 млн. АҚШ долларига тенг экани таъкидланмоқда. Демак, хорижда бизнинг мевалар анча харидоргик экан.
2022 йилнинг 10 ойида Ўзбекистон энг кўп хурмо экспорт қилган давлатларнинг биринчисида Россия турибди. Улар ушбу мевадан 26,2 минг тонна сотиб олган. Қозоғистон 15,3 минг тонна ўзбек хурмосини ўз мамлакатига импорт қилган бўлса, Қирғиз Республикасида бу кўрсаткич 2 минг тоннани ташқил этмоқда.
Шу билан бирга, Туркманистон 1,3 минг тонна, Беларусь Республикаси 776 тонна ва энг кам хурмо олган ҳамокримиз Польша бўлиб, улар 43 тонна ўзбек хурмосини истеъмол қилган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
