Россия Федерацияси Мудофаа вазирлиги сафарбар қилинган ҳарбий хизматчиларнинг Твердан Украинадаги урушга йўл олгани акс этган видеолавҳаларни эълон қилди.
Бўлимнинг хабар беришича, жўнаб кетаётган ходимлар зарур қурол-аслаҳалар билан тўлиқ таъминланган ва амалий машғулотлардан ўтган. Ушбу баёнот қариндошлар ва ходимларнинг ўзлари томонидан қониқарсиз шароитлар бўйича кўплаб шикоятлар келиб тушган бир пайтда берилди.
Украинадаги фронт чизиғи бўйлаб шиддатли жанглар давом этмоқда.
Украина ҳукумати ўққа тутилиш хавфи юқори ва инфратузилманинг вайрон бўлиши сабабли маҳаллий аҳолини мамлакат жанубидаги яқинда озод қилинган ҳудудларни тарк этишга чақирмоқда.
Душанба куни Украинанинг 15 вилоятида электр энергияси узилиши режалаштирилган эди.
Айни пайтда, Пентагон АҚШ кўмаги туфайли Украина Қуролли кучлари қишга россиялик рақибларига қараганда анча яхши тайёрланганига ишонч билдирди. Бу ҳақда Пентагон раҳбари Ллойд Остин маълум қилди.
Ҳарбийларга кўра, руслар баъзан ғазаблана бошлайди, аммо душман артиллерияси бундай дақиқада уларга тинчлик бермайди. Бундан ташқари, Украина баталони ҳаводан разведкага эга. Шунинг учун уларнинг ҳаракатларини кузатиш, аниқлаш ва муносиб жавоб қайтариш имкони юқори.
Кузатувчиларнинг таъкидлашича, бу урушнинг парадоксларидан бири руслар ташлаб кетган қурол-яроғларнинг Украина армиясига ўтказилиши, кейин эса уларни рус душманига қарши қўлланилиши эди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
