Сўнгги йилларда Ўзбекистонда тўқимачилик соҳасини янада такомиллаштириш учун салмоқли ишлар, катта кўламдаги лойиҳалар амалга оширилмоқда. Германия халқаро ҳамкорлик ташкилоти (ГИЗ)нинг “Оъзбекистонда касб-ҳунар таълими тизимидаги ислоҳотлар ва модернизация жараёнларини қоъллаб-қувватлаш” лойиҳаси ҳам мана шундай лойиҳалардан бири саналади.
2022-йилнинг сентябр ойида тўқимачилик саноати меҳнат бозорида талаб қилинадиган қуйидаги 6 та касб учун профессионал стандартларни ишлаб чиқиш бўйича биринчи компонент ишга туширилди:
- Тикувчи
- Ип йигирувчи
- Тикувчиликда андозалар тайёрловчи
- Электрон техника асбобларини созловчи
- Тўқимачилик корхоналари қурилмалари монтажчиси
- Тўқимачилик соҳасида техник-технолог
2023 йилнинг 21-феврал санасида Педагогик инновациялар, касб-ҳунар таълими бошқарув ҳамда педагог кадрларни қайта тайёрлаш ва уларнинг малакасини ошириш институтида лойиҳанинг иккинчи компоненти – яъни юқорида номи келтирилган 6 та касб бўйича касбий стандартлар асосида таълим дастурларини яратиш компонентини ишга туширилишига бағишланган wоркшоп ташкил этилади.
Ушбу тадбирни ташкил этишдан кўзланган мақсад – ҳамкор ташкилот вакиллари ҳамда лойиҳа иштирокчилари билан Ўзбекистонда профессионал стандартларни таълим дастурларига тадбиқ этиш йўллари ҳақида янада чуқурроқ тушунчага эга бўлиш, Workshop давомида лойиҳанинг биринчи компоненти доирасида ишлаб чиқилган 6 касб бўйича профессионал стандартлар асосида таълим дастурлари ва ўқув режаларини ишлаб чиқиш/янгилаш бўйича ишчи гуруҳлар шакллантирилади. Шунингдек, лойиҳа иккинчи компонентини амалга ошириш учун гуруҳ аъзолари билан биргаликда иш режаси тузилади.
Тадбирда Олий ва ўрта махсус таълим вазирлиги, Меҳнат ва меҳнат муносабатлари вазирлиги, “Ўзтўқимачиликсаноат” ва “Ўзчармсаноат” уюшмалари, Савдо-саноат палатаси, Меҳнат бозорини ўрганиш институти, Педагогик инновациялар институти, Тўқимачилик корхоналарининг касбий малака бўйича тармоқ кенгашлари, экспертлар ва бошқа маҳаллий муассасалар вакиллари иштирок этишади.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
