Собиқ мактаб директори ўқувчини уриб, унинг қулоқ пардасини йиртиб юборгани бўйича Олий Суд матбуот хизмати маълумот берди.
Маълум бўлишича, Самарқанд вилояти Ургут туманидаги 61-мактдаб собиқ директор болани пиротехника воситасидан фойдалангани учун жазоламоқчи бўлган.
«Беш-олти марта боланинг қулоғига урган, калласи бориб, партага теккан, калла чайқалган ўша ерда. Ўғлим «дод» деб, қулоғимга урманг устоз, деб йиғлаган. Ҳозир у боламни даволатиб берганини айтяпти. Даволатиб берган бўлса боламнинг қулоғи эшитсин. Хулосани кўришингиз мумкин», – дейди боланинг отаси.
Ургут тумани суди ҳукмига кўра, собиқ директор ЖКнинг 206-моддаси (Ҳокимият ёки мансаб ваколати доирасидан четга чиқиш) 1-қисми билан 3 йилга таълим соҳасида мансабдорлик ва моддий жавобгарлик лавозимида ишлаш ҳуқуқидан маҳрум қилиниб, унга нисбатан 2 йилга озодликни чеклаш жазоси тайинланди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
