Бугун, 13 март куни Термиз шаҳрида халқ депутатлари Сурхондарё вилояти кенгаши сессиясида Шавкат Мирзиёев «Ўзбекистон ким томонда?» деган саволга жавоб берди.
«Замон жуда мураккаб, ҳозир катта-катта давлатлар айтяпти: “Ўзбекистон, сен ким томон? Бўлди энди, ёки у томонга ўтгин, ёки бу томонга ўтгин”, деяпти. Қаттиқ-қаттиқ айтиб, вакиллари ҳам келиб ҳам шунга даъват қиляпти. “Бизга керак Ўрта Осиёда Ўзбекистон, 36 млн бўлди, 3-4 йилда 40 млн бўлади, катта давлат бўлади, ким томонсан”, деяпти.
Саволга жавоб битта: бир томонман! Миллатим, халқим, буюк Ўзбекистонимни манфаати учун ўлишга ҳам тайёрман деб жавоб бераман», – деди давлат раҳбари.
Маълумот учун, 28 февраль куни АҚШ давлат котиби Энтони Блинкен Ўзбекистон пойтахти Тошкентга ташриф буюрганди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
