Ўзбекистонда бюджетли автомобиллар билан боғлиқ муаммолар бор – бозорда харидорлар учун таклифлар жуда кам. Шу муносабат билан кўпчилик одамларга GM Uzbekistan’нинг энг ҳамёнбоп янги автомобилларидан бири – 222 миллион сўмлик Chevrolet Onix Premier Plus автомобилини харид қилиш қулай вариант бўлиб кўринмоқда. Келинг, ўзбекистонликлар юқоридаги автомобилни сотиб олиш учун қанча вақт пул жамғариши ҳақида маълумот берамиз.
Ўзбекистонда 2023 йилнинг биринчи ярмида иқтисодиётнинг турли тармоқлари учун ўртача иш ҳақи сезиларли фарқларни акс эттирди. Банклар ва суғурта компаниялари ходимлари энг юқори даромадга эга бўлиб, ойига ўртача 12,4 миллион сўм даромад олади. Янги Onix сотиб олиш учун керакли сўммани йиғиш учун уларга атиги бир ярим йил керак бўлади. Дастурчилар икки йил ичида машина сотиб олишлари мумкин, бунда улар барча топган пулларини тежаши керак бўлади.
Шу билан бирга, ўртача маош оладиган ўзбекистонлик фуқаро Chevrolet Onix Premier Plus сотиб олиш учун ўртача 4 йилдан кўпроқ вақт мобайнида маблағ йиғиш керак бўлади. Ойига 6,4 миллион сўм ва 5,4 миллион сўм маош оладиган логистика ва транспорт, шунингдек, саноат соҳаси ходимлари 3-3,5 йил ичида автомобил учун маблағ жамғаришлари мумкин.
Ўқитувчилар ва шифокорлар паст маошлари туфайли автомобил сотиб олиш уларга сезиларли таъсир кўрсатади. Шифокорлар Chevrolet Onix Premier Plus сотиб олиш учун 6,5 йил давомида қўшимча харажатлардан воз кечишлари ва маблағларини тежашлари керак бўлади.
Эслатиб ўтамиз, ҳисоб-китоблар солиқлар, коммунал тўловлар ва озиқ-овқат ва уй-жой каби бошқа мажбурий харажатларни ҳисобга олмаган ҳолда амалга оширилган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
