«Уммон» гуруҳининг собиқ аъзоси Зоҳид 5 йилга озодликдан маҳрум қилинди

Бугун Жиноят ишлари бўйича Юнусобод туман судининг очиқ суд мажлисида «Уммон гуруҳининг собиқ аъзоси Зоҳид Рискиевга оид жиноят иши кўриб чиқилди.

Олий суднинг маълум қилишича, З. Рискиев Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисмида назарда тутилган жиноятни содир қилганликда айбли деб топилиб, унга 3 йил транспорт воситаларини бошқариш ҳуқуқидан маҳрум қилган ҳолда 5 йил муддатга озодликдан маҳрум қилиш жазоси тайинланган. Шунингдек, З. Рискиевга нисбатан Жиноят кодексининг 72-моддасини (шартли ҳукм қилиш) қўллаб ва тайинланган жазони шартли деб ҳисоблаб, 2 йил синов муддати белгиланган.