Тошкент шаҳар ИИББ биносида ўта ўғир турдаги жиноят содир этган шахс вафот этди. ИИББ мазкур воқеа юзасидан расмий баёнот берди.
Баёнотда айтилишича, жорий йилнинг 12 август куни одам ўғирлаб, ундан пўписа орқали пул ундиришга уринганликда гумон қилинаётган У.Д ЖПКнинг 224-моддаси асосида баённома расмийлаштириш жараёнида у ўзини ёмон ҳис қилаётганини айтиб, тўсатдан йиқилиб ҳушини йўқотган. Тез тиббий ёрдам чақиртирилиб, ички ишлар ходимлари томонидан биринчи тиббий ёрдам кўрсатилганига қарамай, тез тиббий ёрдам келгунига қадар гумонланувчи вафот этган.
Бирламчи ташхисга кўра гумонланувчининг ўлими “Жигар сиррози оғир стадияси, ўткир юрак қон-томир етишмовчилиги” оқибатида юзага келган.
«Мазкур ҳолат юзасидан ҳозирда Тошкент шаҳар прокуратураси томонидан текширув ўтказилмоқда, У.Днинг ўлим сабабини аниқлаш бўйича тегишли судга оид тиббий-экспертиза тайинланган», — дейилади баёнотда.
Шунингдек, ИИББ маълумотларига кўра, марҳум илгари босқинчилик ва талончилик каби моддалар билан судланган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
