«Луна-25» сайёралараро автоматик станцияси Ой юзаси билан тўқнашув оқибатида «ўз мавжудлигини йўқотди», деб хабар берди Роскосмос. Москва вақти билан тахминан 14:57 да (Тошкент вақти билан 16:57) «Луна-25» билан алоқа узилди. Олимлар қурилмани излашди ва у билан алоқа ўрнатишга ҳаракат қилишди, аммо бу ҳеч қандай натижа бермади.
«Дастлабки таҳлил натижаларига кўра, ҳақиқий импульс параметрлари ҳисобланганлардан четга чиққанлиги сабабли, «Луна-25″ космик аппарати лойиҳадан ташқари орбитага ўтди ва Ой юзаси билан тўқнашув натижасида ўз фаолиятини тўхтатди. Космик кеманинг йўқолиши сабабларини аниқлаш масалалари махсус тузилган идоралараро комиссия томонидан кўриб чиқилади,» дейилади ҳисоботда.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
