Франциянинг энг йирик банкларидан бири BNP Paribas гиёҳванд моддаларни текшириш учун тақа қисқичбақаларининг кўк қонини ишлатмасликка чақирди, деб ёзади Financial Times.
Банкнинг активларни бошқариш бўлими фармацевтика компанияларига ушбу артроподларнинг кўк қонидан воз кечиш ва унинг синтетик ҳамкасби, рекомбинант омил C (rFC)’га ўтишни сўраб хатлар юборди.
Банкирлар ушбу турга бўлган ташвишларини унинг популяциясининг кескин камайиши билан изоҳладилар.
BNP Paribas, Crédit Agricole, Société Générale ва Groupe BPCE билан биргаликда Франция банк бозорининг «катта тўртлиги»дан бири ҳисобланади.
Ушбу ҳайвонларнинг тарқалиш майдони Узоқ Шарқдан Жануби-Шарқий Осиёгача бўлган денгиз ва океанларнинг қирғоқларидир. Бундан ташқари, тақа қисқичбақалари АҚШнинг Атлантика соҳилларида яшайди.
Экологлар бир неча йиллардан бери тақа қисқичбақаси сонининг камайиб бораётгани ҳақида огоҳлантирмоқда. Пандемия бошланиши билан янги вакцина ва дори воситаларини синовдан ўтказиш зарурати туфайли уларнинг кўк рангдаги қонига бўлган талаб ортган, бу эса уларнинг камайишига олиб келган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
