Пайшанба куни КХДР разведка сунъий йўлдошини учириш бўйича иккинчи уриниши муваффақиятсиз якунланди. Бу ҳақда Корея марказий телеграф агентлиги маълум қилди, деб хабар бермоқда Xinhua агентлиги.
Янги ракетанинг биринчи ва иккинчи босқичларининг парвози яхши ўтди, бироқ учинчи босқич парвози вақтида фавқулодда портлаш тизимидаги хатолик туфайли ғайритабиий ҳолат юзага келди, дейилади марказий телеграф хабарида.
КХДР Аэрокосмик технологияларни ривожлантириш миллий бошқармаси аварияни чуқур ўрганаётганини ва октябрь ойида учинчи разведка сунъий йўлдошини учиришини маълум қилди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
