2022 йилда Япония аҳолиси 122 млн 423 038 кишини ташкил этган ва 801 минг кишига камайди, бу 1968 йилдан бери барча 47 префектурада рўйхатга олинганлар сонининг энг сезиларли камайишидир, деб ёзмоқда Kazinform мухбири.
2023 йил январь-июнь ойларида Японияда туғилган болалар сони ўтган йилнинг шу даврига нисбатан 3,6 фоизга камайган ва 371 052 нафарни ташкил этган.
Ушбу маълумотларга Японияда туғилган чет элликларнинг болалари ҳам киради.
Япония ҳукумати мамлакатдаги демографик тенденцияни бартараф этиш учун мисли кўрилмаган чораларни кўряпти.
2023 йил апрель ойида Япония Бош вазири раҳбарлигида Болалар ва оилалар янги агентлиги ташкил этилди.
Йиллик бюджети 36 миллиард доллар бўлган янги департамент туғилиш даражаси, болаларга нисбатан зўравонлик ва қашшоқлик каби масалалар билан шуғулланади.
Фумио Кисида бошчилигидаги Япония вазирлар маҳкамаси келгуси уч йил ичида болалар парвариши учун йиллик харажатларни 2024 йилдан бошлаб 3,5 триллион иенага (25 миллиард доллар) оширишни режалаштиряпти.
Япония ҳукумати раҳбари бундай харажатларни ҳар бир болага оилавий нафақалар нархи бўйича Иқтисодий ҳамкорлик ва тараққиёт ташкилоти аъзолари орасида етакчи бўлган Швеция даражасига етказишни режалаштирган.
Миллий демографик тадқиқотлар ва ижтимоий таъминот институти маълумотларига кўра, 2070 йилга бориб Японияда туғилиш даражаси 500 минггача камайиши мумкин.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
