Қуёшни ўрганиш бўйича биринчи Ҳиндистон миссияси бошланди. Бенгал кўрфазидаги Миллий космодромдан Лагранж L1 нуқтасигача автоматик станция муваффақиятли учирилди, деб хабар бермоқда Euronews агентлиги.
Ҳиндистон космик тадқиқотлар ташкилоти автоматик қуёш станциясини Ер орбитасига муваффақиятли олиб чиқди. Учириш Бенгал кўрфазидаги Шрихарикота оролидаги космодромдан амалга оширилди.
Станция бироз Ер атрофида айланади, сўнгра Лагранж L1 нуқтасига тўрт ойлик саёҳатга жўнайди. Бу нуқтада Ер ва Қуёшнинг тортишиш кучи тенгдир.
Бу – Қуёшни тадқиқ қилган биринчи ҳинд миссияси. Унинг вазифаси электромагнит майдонлар, заррачалар ва магнит майдон детекторлари ёрдамида хромосфера ва қуёш тожини ўрганишдир. Бунгача Ҳиндистоннинг «Викрам» космик кемаси Ойга муваффақиятли қўнган эди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
