Жеймс Уебб космик телескопи коинотда эркин ҳаракатланадиган ва ҳеч қандай юлдуз билан гравитациявий боғланмаган катталиги Юпитерга тенг бўлган “сайёраларни” топди.
Айниқса, бу жисмларнинг жуфт-жуфт ҳаракат қилаётгани олимларни ҳайратда қолдирди. Ҳозирда астрономлар бунга изоҳ топишга ҳаракат қилишмоқда.
Бир версияга кўра, бу объектлар туманликнинг ўша ҳудудида ҳосил бўлган, у ерда материянинг зичлиги тўлиқ юлдузларнинг пайдо бўлиши учун етарли бўлмаган.
Бошқасига кўра, улар оддий газ гигантлари сифатида шаклланган, аммо кейин турли тортишиш бузилишлари натижасида улар ўз орбиталаридан ташқарига улоқтирилган.
«Ҳозирда мажбурий чиқариб ташлаш гипотезаси афзалроқдир», – дейди Орион туманлигини ўрганган гуруҳни бошқарган профессор Марк Маккафрин.
М42 номи билан ҳам танилган Орион туманлиги янги юлдузлар пайдо бўладиган Ерга энг яқин ҳудуддир.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
