Афғонистонда 7 октабр куни содир бўлган зилзила қурбонларининг 90 фоизи аёллар ва болалардир, дея хабар беради БМТ.
Нега ҳалок бўлганлар орасида аёллар ва болалар кўплигини тушуниш учун ББC шифокорлар, гувоҳлар ва фаоллар билан суҳбатлашди. Уларнинг фикрича, асосий сабаб Толибон томонидан жорий этилган қаттиқ чекловлардир.
Толибон 2021 йилда ҳокимиятни қўлга киритгач, улар аёлларга кўп ишларда қатнашишни ва бошланғич мактабдан ташқари таълим олишни тақиқловчи бир қатор чора-тадбирларни жорий қилди. Ушбу қонунлар туфайли кўпчилик аёллар ўз ҳаётларини биринчи навбатда уйда ўтказишга маҳкум эдилар.
“Эркаклар далада ишлаган, чорвачилик қилган ёки пул топиш учун Эронга кетган. Аёллар уйда, уй юмушлари билан шуғулланиб, болаларга қарашарди. Улар вайроналар остида қолиб кетишди”, деди ББCга октабр ойида кучли силкинишлар қайд этилган мамлакат ғарбидаги Ҳирот вилоятилик аёл шифокор Салма.
23 ёшли фаол Мариамнинг сўзларига кўра, у Толибон қутқарувчиларни зилзиладан жабрланган аёлларга тегмаслик ҳақида огоҳлантираётганини кўргани вазиятни янада оғирлаштирган.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
