Док-1 Макс дистрибютори ўз сиропини мижозларга тавсия қилган ва ёзиб берган тиббиёт ходимлари ва фармацевтларга маош тўлагани 23 октабр куни бўлиб ўтган суд мажлисида маълум бўлди.
Солиқ идоралари маълумотларига кўра, компания ўз беморларига Док-1 Макс сиропини ёзиб берган шифокорларга унинг савдо ҳажмини ошириш мақсадида 5,57 миллиард сўм миқдорида имтиёзлар тўлаган. Бунинг учун ҳамшираларга 122 миллион сўм, дорихоналардаги сотувчиларга 2,345 миллиард сўм ажратилган.
Шунингдек, “Quramax Medikal” раҳбарлари томонидан савдо ҳажмини оширишга ҳисса қўшган ходимларга 13 миллиард сўмлик конвертлар топширилган. Ушбу маблағлар даромад солиғи бўлганлиги сабабли корхонада 9,6 миллиард сўм солиқ қарзи юзага келган.
Quramax Medikal раҳбарининг адвокати солиқ идоралари вакилининг баёнотига қарши чиқишга уринди. Бироқ, у Солиқ кодексига кўра, компания солиқ агенти бўлганлиги сабабли, шифокорларга тўловлар бўйича шахсий даромад солиғини тўлаши шартлигини таъкидлаб жавоб берди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
