Блогер Никита Макаренконинг хабар беришича, Яккасарой тумани ҳокимлиги ва Тошкент ҳокимлиги Шота Руставели кўчасида жойлашган тарихий 22-уйни бузишга рухсат берган.
Унинг ўрнида янги бино қуриш режалаштирилган.
“Бу уй маданий мерос рўйхатига киритилмаган, бироқ экспертлар ҳукуматдан Руставели кўчаси бўйидаги барча бинолар ансамблини, шу жумладан, ушбу уйни ҳам рўйхатга киритишни бир неча бор талаб қилган”, — деб ёзади блогер.
Шота Руставели кўчаси ўзининг намунали совет уйлари билан машҳур. 1960-1965 йилларда кўплаб бинолар қурилган. Турар-жой биноларидан ташқари, кўчада бир вақтлар таниқли Фрунзенский савдо маркази, Тошкент тўқимачилик фабрикаси ва Океан дўкони жойлашган эди – энди бу номларнинг барчаси шаҳар аҳолиси томонидан диққатга сазовор жойлар сифатида ишлатилади.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
