27 октябрь куни мактабдан қайтаётган ўқувчи қиз ортидан кирган йигит, лифтда унга нисбатан ножуя ҳаракатлар қилган. Бу ҳақда Nemolchi.uz хабар берди.
Қизнинг яқин қариндошининг сўзларига кўра, 27 октябрь, жума куни кундузи соат 16-17:00 атрофида 10 ёшли қиз Тошкент шаҳри Учтепа туманида уйига яқин бўлган мактабдан қайтаётган вақтда, тахминан 25-30 ёшлардаги йигит унинг ортидан кўпқаватли уйдаги лифтга кирган.
Йигит тўққизинчи қават тугмасини босган ва қизга юқорига қаватга чиққанидан сўнг, ўзи кетишини айтган.
Улар тўққизинчи қаватга етиб боришганда, йигит лифтдан чиқиб, атрофга қараган. Сўнг яна лифтга қайта чиққан ва яна биринчи қаватга тушишларини, кейин қиз истаган жойига боришини айтиб, лифтга қайта чиққан.
Лифтдан тушиш чоғида қизга нисбатан ножуя хатти-ҳаракатлар қилиб, биринчи қаватга етганда тезда лифтдан чиқиб кетган.
Шундан сўнг, қизнинг қариндошлари милицияга мурожаат қилиб, ўша ҳудуд кузатув камераларидаги видеотасвирларни олишни сўраган. Маълум бўлишича бу йигит кираверишдан чиқиб, яқин атрофда турга машинага ўтирган.
Шундан сўнг, 102 рақами орқали милицияга хабар қилинган.
Орадан кўп вақт ўтмай, уларга қўнгироқ бўлиб, Учтепа тумани ички ишлар бўлимига келишлари кераклиги айтилган. Ички ишлар бўлимига етиб боришгач, қиз ва унинг ота-онаси қўлга олинган шахсни аниқлаш учун олиб кетилган.
Маълум бўлишича, қўлга олинган шахс ўқувчига нисбатан ножуя хатти-ҳаракатларни содир этган эркак экаклигини қиз тасдиқлаган.
Сўнг, ички ишлар бўлими ходимлари улардан мазкур воқеа юзасидан ариза ёзишни сўраган. Баёнот ёзиб бўлингач, иш прокуратурага ўтказилиши тушинтирилган.
Мазкур ҳолат юзасидан Жиноят кодексининг 129-моддасининг 2-қисми (Вояга етмаганларга нисбатан уятсиз-бузуқ ҳаракатлар қилиш) билан жиноят иши қўзғатилган.
Агар гумонланувчи айбдор деб топилса, уч йилдан беш йилгача озодликдан маҳрум қилиш билан жазоланиши мумкин.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
