Американинг SpaceX хусусий космик компанияси Starlink сунъий йўлдош алоқа тизимидан фойдаланган ҳолда Интернетга киришни сотишдан 9 миллиард доллар ишлаб топишга умид қилмоқда. 2024 йилда бу кўрсаткич 15 миллиард долларгача ошиши кутилмоқда, деб хабар беради Bloomberg.
Даромаднинг потенциал ўсиши, нашр манбаларига кўра, келгуси йилда Starlink кўпроқ мамлакатларда пайдо бўлиши билан боғлиқ. Агар кутилган натижалар бажарилса, тизим SpaceX даромадининг катта қисмини ишлаб чиқаради.
SpaceX компанияси америкалик миллиардер Илон Маскга тегишли. Сунъий йўлдош Интернетдан ташқари, компания астронавтика соҳасидаги лойиҳалари билан машҳур. Шундай қилиб, у қайта фойдаланиш мумкин бўлган ракеталарида тижорат майдонини сотиш орқали маблағ тўплайди. Бундан ташқари, SpaceX ва АҚШнинг НАСА аэрокосмик агентлиги шартнома тузди, унга кўра компания Халқаро космик станцияга космонавтлар ва юкларни етказиб бериш бўйича буюртмаларни бажаради.
2023 йил бошида SpaceX’нинг тижорат қиймати 150 миллиард долларга баҳоланган эди.
Starlink – ойлик тўлов эвазига юқори тезликдаги Интернетга уланишни таъминлайдиган сунъий йўлдош тизими. SpaceX Starlink’ни яратиш учун миллиардлаб доллар сармоя киритди. Бу лойиҳа ўз самарасини бера бошлаганга ўхшайди. Келажакда Starlink компаниясининг даромади йилига 30 миллиард долларга етиши мумкин.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
