Американинг Tesla компанияси Германиядаги ишлаб чиқариш корхоналарида нархи 25 минг евро бўлган электромобил яратиш ниятида, деб хабар бермоқда Reuters манбаларга таяниб.
Ҳамёнбоп автомобил қачон кенг ишлаб чиқаришга чиқиши ҳозирча номаълум.
Истеъмолчилар сўровлари шуни кўрсатадики, электр транспорт воситаларининг юқори нархи ва юқори фоиз ставкалари уларнинг Европа ва Қўшма Штатларда қабул қилинишига тўсқинлик қиладиган бир қанча омиллардан биридир.
Европада бундай автомобилларнинг ўртача чакана нархи 2023-йилнинг биринчи ярмида 65 минг евродан ошган бўлса, Хитойда бу кўрсаткич 31 минг еврони ташкил қилган.
Tesla асосчиси Илон Маск ўтган йили арзон электромобил ишлаб чиқаришни режалаштирган эди. Манбаларга кўра, компания ишлаб чиқариш харажатларини камайтирадиган инновацион технологияни ишлаб чиқишга яқин турибди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
