Хитойнинг Xiaomi смартфон ишлаб чиқарувчиси келаси йили чиқадиган навбатдаги флагман модели нархини оширишни режалаштирмоқда. Бу ҳақда MyDrivers портали хабар бермоқда.
Компания асосчиси ва бош директори Лей Зун октябрь ойи охирида Xiaomi 14 тақдимотида бу компаниянинг сўнгги флагмани бўлиб, у 4000 юан нархда сотилишини айтди. Кейинроқ у Хитойнинг Weibo ижтимоий тармоғидаги саҳифасида сўровномани эълон қилди ва унда у ўз обуначиларидан бўлажак Xiaomi 15 смартфони янги функциялар, такомиллаштирилган дастурий таъминот ва қимматроқ корпус материалларига эга бўлса, кўпроқ пул тўлашга тайёрми ёки йўқлигини сўради.
Сўровда 61 мингга яқин овоз тўпланган, улардан 37 минг нафари қимматроқ смартфон сотиб олишга тайёрлигини билдирган, 23 минг респондент эса нархни бир хил даражада сақлашни маъқул кўрган. Шундай қилиб, фойдаланувчиларнинг кўпчилиги Xiaomi 15 нархини жорий авлодга нисбатан ошириш ғоясини қўллаб-қувватлади.
Бу Xiaomi гаджетлари нархининг биринчи кўтарилиши эмас. Компаниянинг 2011 йилда чиқарилган Xiaomi Mi 1 дебют смартфони 2000 юанга сотилган. Ушбу нарх ёрлиғи компаниянинг барча флагманлари учун бир неча йил давомида, Xiaomi Mi 6 чиқарилгунга қадар сақланиб қолди, унинг нархи 2500 юанга кўтарилди. Кейинчалик, ҳар йили компаниянинг смартфонлари қимматлашиб, ёш версияси учун 4000 юанга етди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
