Исроил мудофаа кучлари Ғазо шаҳридаги Ал-Шифа касалхонаси яқинида яна бир гаровга олинган кишининг жасадини топди. 19 ёшли аёл аскар жума куни дафн қилинди, деб хабар бермоқда Еuronews.
Исроил Ғазо секторининг бошқа ҳудудларида ҲАМАСга қарши қуруқликдаги операцияни кенгайтиришини маълум қилди.
Жума куни кечқурун телекоммуникация компаниялари фаолиятини таъминлаш учун Фаластин анклавига 17 минг литр ёқилғи етказиб берилди. Шунингдек, Исроил Ғазо секторини юқумли касалликлар тарқалишининг олдини олиш учун сув насос станцияларини ишга тушириш учун зарур бўлган минимал ёқилғи билан таъминлашга ваъда берди.
ЖССТ аввалроқ саломатлик учун жиддий хавфлар ҳақида огоҳлантирган эди. БМТ гуманитар ёрдам етказилмаса, Ғазо сектори аҳолиси тез орада очарчиликка дучор бўлишидан хавотирда.
Исроил мудофаа кучларига кўра, Ғазо секторидаги болалар боғчалари ва мактабларидан ҲАМАС жангариларининг қуроллари топилган. Бу маълумот тасдиқланмаган. Жума куни Ғазо секторидан Исроил томон ўнлаб ракеталар учирилди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
