Чехия депутатлари мамлакатда музлатиб қўйилган Россия активларини миллийлаштириш бўйича қонун лойиҳасини ишлаб чиқмоқда, деб хабар бермоқда ČТ 24 телеканали.
Ғоя ташаббускори Онджеж Коларжнинг айтишича, Прагадаги рус маданият маркази ва собиқ консулликлар миллийлаштириш остида қолиши мумкин.
«Мен Россия мулкини миллийлаштиришга қаратилган қонун лойиҳаси устида ишлаётган парламент гуруҳини тўпладим», – дея унинг сўзларини келтиради телеканал.
Қонун лойиҳаси ҳали парламент муҳокамасига киритилмаган. Депутатлар томонидан маъқуллангандан сўнг, ҳужжат Чехия Президенти томонидан имзоланиши керак.
Аввалроқ Кремл Россиянинг Чехиядаги давлат мулкини музлатиш ҳақидаги қарорни ноқонуний деб атаган ва ассиметрик жавобни талаб қилган эди.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
