Чоршанба куни Иордания, Фаластин ва Миср ҳукуматлари Ғазо секторида Фаластиннинг ҲАМАС ҳаракати ва Исроил ўртасида чет эл воситачилигида имзоланган гуманитар келишувни олқишлашларини маълум қилди, деб хабар берди Kazinform.
Исроил ва ҲАМАС чоршанба куни гаровга олинган 50 нафар ва ўнлаб фаластинлик асирларни озод қилиш имконини берувчи келишувга эришди ва қамалда қолган Ғазоликлар билан бир неча ҳафта давом этган жанглардан сўнг тўрт кунлик сулҳ эълон қилди.
Иордания ўз баёнотида, сулҳ Ғазо секторидаги урушни тугатиш ва фаластинликларнинг ҳужумга учраши ва кўчирилишининг олдини олиш йўлидаги қадам бўлишига умид билдирди.
“Ташқи ишлар ва муҳожирлар ишлари вазирлиги қардош Қатар давлатининг Миср Араб Республикаси ва Америка Қўшма Штатлари билан ҳамкорликда Ғазо секторида гуманитар ўт очишни тўхтатишга олиб келган саъй-ҳаракатларини юқори баҳолайди”, – дейилади Иордания ТИВ хабарида.
Иордания Ташқи ишлар вазирлигининг расмий вакили, элчи Суфьян Ал-Куда, давом этаётган урушни тўлиқ тугатиш йўлидаги қадам сифатида Ғазо секторида ўт очишни тўхтатиш муҳимлигини таъкидлади.
Фаластин президенти Маҳмуд Аббос муваққат сулҳ битимини олқишлади ва чўзилган Исроил-Фаластин можаросини кенгроқ ҳал қилишга чақирди.
Ғарбий Соҳилда жойлашган Аббос маъмурияти «Қатар-Миср воситачилик ҳаракатларини қадрлашини» ва Исроил билан сулҳнинг узайтирилишини ва «халқаро қонунийликка асосланган сиёсий ечимнинг амалга оширилишини» исташини айтди. Бу ҳақда Фаластин озодлик ташкилоти ижроия қўмитаси бош котиби Ҳусайн Аш-Шайх маълум қилди.
Миср президенти Абдулфаттоҳ ас-Сисий келишувни олқишлаб, уни Миср, Қатар ва Америка ўртасидаги муваффақиятли воситачилик деб атади.
Ўзининг Facebookдаги расмий саҳифасида эълон қилган баёнотида у Мисрнинг “адолат, тинчлик ва Фаластин халқининг қонуний ҳуқуқларини таъминлаш учун доимий ечимларга эришиш йўлидаги доимий саъй-ҳаракатларини” таъкидлади.
Шунингдек, Саудия Арабистони, Миср ва Иордания ташқи ишлар вазирлари Лондондаги матбуот брифингида Исроил ва ХАМАС гуруҳи ўртасида вақтинчалик тинчликка эришиш ҳақидаги келишувни олқишлаб, уни узайтириш кераклигини ва бу ҳарбий ҳаракатларни тўлиқ тўхтатиш йўлидаги биринчи қадам бўлиши кераклигини айтишди.
Asharq Al-Awsat газетасининг хабар беришича, айни пайтда араб ташқи ишлар вазирлари асосан мусулмон давлатлардан иборат алоқа гуруҳига раҳбарлик қилмоқда, улар Исроилнинг асосий иттифоқчилари ва БМТ Хавфсизлик Кенгаши аъзолари билан Ғазо секторидаги урушни тугатиш ва ниҳоят Исроил-Фаластин можаросини ҳал қилиш учун лоббичилик қилмоқда ва улар билан учрашмоқда.
Шундай қилиб, расмий даражада, «Ғазодаги урушни тугатиш учун халқаро ҳаракатлар учун Араб-Ислом вазирлар қўмитаси» деб номланган алоқа гуруҳи Хитой ва Россияда бўлишди. Қўмита аъзолари Лондонга кетишди. Бугун улар Британия ташқи ишлар вазири Дэвид Кэмерон билан учрашмоқда.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
