Россия Украина энергетика объектларига келажакдаги ҳужумлар учун 900 га яқин ракета тўплаши мумкин, деди Украина Қуролли кучлари Ҳарбий-ҳаво кучлари матбуот котиби Юрий Игнат.
“Ҳа, бир неча ойдан бери ёздагидек отишмалар кузатилмади. Агар биз ҳисоблаб чиқсак, [Россия] ҳар ёз ойида тахминан 100 дан ортиқ ракета ишлатган. Ўтган куз ойларида ҳам бундай шиддатли ракета ҳужумлари кузатилмаган”, — деди у телемарафон давомида.
Игнат Украина разведкаси маълумотларига ишора қилди, унга кўра Россия ойига 100 га яқин узоқ масофали ракета ишлаб чиқариши мумкин.
“Шунинг учун биз аниқ математик хулосага келишимиз мумкинки, 870 ёки ҳатто 900 та. Бу самолёт ракеталаридан (Х-59, Х-31, Х-35) ташқари, юқори аниқликдаги узоқ масофали ракеталарнинг айнан сони. шунингдек, Оникс, С-300 ракеталари. Гап фақат узоқ масофага учувчи ракеталар ҳақида кетмоқда”, — деди Украина қуролли кучлари вакили.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
