Европада 2021 йилнинг ўрталаридан бери давом этаётган энергия инқирози тугади деб ҳисоблаш мумкин. Бу фикрни Reuters агентлигининг нефт ва энергетика бўйича катта таҳлилчиси Жон Кемп агентлик сайтида чоп этилган рукнида билдирди.
Таҳлилчининг аниқлик киритишича, икки йил давомида Европада нефт, кўмир ва газ нархлари кескин кўтарилиб, ҳатто рекорд даражага етган, бу эса иттифоқдаги саноат ва маиший истеъмолга таъсир қилган. Коронавирус пандемиясидан чиқиш жараёнида кузатилган энергия ресурслари тақчиллиги эса Россиянинг Украинада махсус операцияси бошланганидан ва Ғарб томонидан Москвага қарши санкциялар жорий этилганидан кейин кучайди.
Бироқ жорий йил охирига келиб, Европадаги инқирознинг ўткир босқичи ўз ниҳоясига етди, деди Кемп. Энергия нархлари энди эврозона учун қулай кўринади ва инфляцияни ҳисобга олган ҳолда, узоқ муддатли ўртача кўрсаткичларга қайтди, деб ёзади таҳлилчи. Тўпланган ёқилғи заҳиралари, шунингдек, ишлаб чиқариш даражаси ташвиш туғдирмайди, дея хулоса қилди эксперт.
Кемп келажакда Европа энергетика бозорида қўшимча тартибсизликларни истисно қилмади. Аммо улар ҳозирги қуролли можаро ва пандемия билан боғлиқ бўлмайди, дейди таҳлилчи. Европа учун ҳозир асосий вазифа газ нархини янада пасайтиришга эришишдир, аммо вазиятни энди инқироз деб аташ мумкин эмас.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
