Исроил бош вазири Биньямин Нетаньяхуга қарши уч йиллик суд жараёни ҲАМАСнинг Исроилга ҳужумидан сўнг вақтинча тўхтатилган эди. Эндиликда тўхтатиб туриш муддати тугади ва суд жараёни қайта бошланди, дея хабар бермоқда Deutsche Welle.
Қуддус округ судида Исроил бош вазири Биньямин Нетаньяхуга қарши коррупция бўйича суд жараёни давом эттирилди. Суд жараёни ҲАМАСнинг Исроилга қилган ҳалокатли ҳужумидан сўнг тўхтатилган эди, бироқ уруш даври шароитлари туфайли тўхтатиб туриш муддати ўтган ҳафта тугаган.
Уч йилдан ортиқ давом этган суд жараёнида Нетаньяху учта алоҳида ҳолатда фирибгарлик, ишончни суиистеъмол қилиш ва пора олишда айбланмоқда. Хусусан, бош вазир Исроилнинг энг йирик телекоммуникация компанияси «Безек» манфаатларини илгари сурганликда гумон қилинмоқда, унинг акциядори медиамагнат Шауль Элович алоқа вазири бўлган вақтида ва бунинг эвазига воқеаларни ёритишга таъсир қилиш учун Элович бошчилигидаги Wallа янгиликлар портали ишига аралашган.
Нетаньяху барча айбловларни рад этади. Порахўрликда айбланиб, у 10 йилгача қамоқ ёки жаримага тортилиши мумкин, фирибгарлик ва ишончни суиистеъмол қилиш учун эса уч йилгача қамоқ жазоси мавжуд.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
