Fitch* агентлиги Ўзбекистон пойтахтининг кредит рейтингини қайтариб олди, дея хабар беради рейтинг агентлиги сайтида.
Fitch бу борадаги қарорни шаҳар ҳокимияти қабул қилганини таъкидлади. Шу сабабли ташкилот энди Тошкент шаҳри бўйича рейтинг маълумотлари ва бошқа маълумотларни тақдим этмайди.
Эслатиб ўтамиз, Ўзбекистон пойтахти илк бор 2019 йилнинг ёзида Fitch рейтингини олган эди. Ўшанда Тошкентнинг рейтинги “BB-” даражасида баҳоланган эди.
Ўтган йилнинг охирида бу кўрсаткич худди шундай даражада эди, аммо агентлик мутахассислари шаҳарнинг даромад даражасини беқарор деб баҳоладилар.
Fitch – Асосан рейтинг агентлиги сифатида танилган Америка корпорацияси. Standard & Poor’s ва Moody’s билан бир қаторда у «Катта учлик» деб аталадиган халқаро рейтинг агентликларидан биридир.
Sizda shikoyat, taklif yoki murojaat bormi? Bizga @demokratuz_aloqabot orqali murojaat qiling!
